Tíðabikarar

Tíðabikarar

Tíðabikar – einföld, umhverfisvæn og þægileg lausn

Sífellt fleiri eru að uppgötva kosti tíðabikarsins – og það er ekki að ástæðulausu. Tíðabikar er lítill, sveigjanleg bikar úr mjúku sílikoni sem safnar blóðinu í stað þess að draga það í sig eins og túrtappar eða bindi. Bikarinn viðheldur náttúrulegri flóru líkamans vegna þess að hann tekur einungis við vökva en drekkur hann ekki í sig. Þetta kemur í veg fyrir ertingu og þurrk og tryggir náttúrulegt PH jafnvægi.  

Það sem gerir tíðabikarinn svona vinsælan er hversu þægilegur og umhverfisvænn hann er. Þú getur haft hann í allt að 8–12 klukkustundir í einu, sem þýðir færri skipti yfir daginn og meiri frelsi – hvort sem þú ert í vinnu, námi eða á ferðinni. Sami bikarinn getur enst í mörg ár með réttri umhirðu.

Fyrir suma getur tekið smá tíma að venjast honum, en flestir eru sammála um að þegar tæknin er komin, vilja þeir ekki fara til baka.
Það getur tekið nokkra daga, nokkrar tilraunir til að setja hann upp og gefa því smá tækifæri til að venjast og þú hættir að finna fyrir honum.

Ef þú ert að leita að þægilegri og sjálfbærari leið til að takast á við blæðingar, gæti tíðabikar verið þess virði að prófa 💛

Tíðabikar má nota í sundi og á æfingum og eru þægileg lausn til að tækla blæðingarnar án þess að hætta að lifa lífinu, halda áfram í hreyfingu og njóta.

Hermosa.is er með tíðabikara frá Satisfyer til sölu sem hafa verið mjög vinsælir hjá okkur.

Það eru til nokkrar leiðir til þess að setja bikarinn upp en hér koma leiðbeiningar um hvernig reynist oft best að koma honum fyrir á réttum stað:

1. Brjóttu bikarinn saman í einskonar c form til þess að koma honum upp eins og sjá má á myndunum hér fyrir neðan. Mörgum finnst best að sitja á klósettinu eða vera í hnébeygjustöðu á meðan hann er settur upp. Bikarinn á að sitja neðarlega í leggöngunum mun neðar en túrtappar. Tíðabikarinn opnast uppí leggöngunum og myndar þannig "skál" sem kemur í veg fyrir að tíðarblóðið fari framhjá. Það gæti tekið nokkrar tilraunir að finna réttan stað fyrir bikarinn.
2. Þegar hann er komin upp þarf að passa sig vel á því að bikarinn opnist alveg svo það leki ekki á milli.
3. Til að taka bikarinn út er gott að vera í sömu stöðu og þegar honum er komið fyrir. Best er að grípa í endann á honum og toga út. Það tekur smá tíma að finna bestu leiðinna til þess að ná honum út. Hægt er að þrýsta honum niður með því að kreppa magavöðvana. Ef erfitt reynist að ná honum út er gott að ýta aðeins á hliðina neðst til að koma lofti meðfram honum og losa hann þannig auðveldar út.
4. Hægt er svo að hella úr honum í klósettið eða vaskinn og skola hann með volgu vatni. Ef þú ert með ilmefnalausa sápu er hægt að nota hana líka.
5. Ekki er mælt með því að hafa bikarinn lengur en í 12 tíma án þess að tæma og skola hann. 
6. Þegar þú ert svo búin á túr er ráðlagt að sjóða vatn og setja bikarinn út í, þurrka hann og geyma á hreinum stað þar til þú þarft að nota hann næst.

Tíðabikararnir koma í yfirleitt í tveim stærðum, stærð A fyrir konur sem hafa ekki fætt barn eða fætt barn með keisaraskurði og stærð B fyrir konur sem hafa fætt barn um leggöng. Gott er þó að prófa sig áfram og finna þá stærð sem hentar þér best - það getur verið svo misjafnt eftir konum.